09.09.2026 | 17:55
Մոլդովայում Ադրբեջանի քաղաքացի է ձերբակալվել․ նա կասկածվում են ՌԴ ԱԴԾ-ի համար աշխատելու մեջ
Լուկաշենկոն հայտարարել է, որ Պուտինը Բելառուսի տարածքից Ուկրաինայի վրա հարձակվելու համար իրենից թույլտվություն չի խնդրել
Քաղաքականություն
25.10.2024 | 18:29
Բելառուսի նախագահ Ալեքսանդր Լուկաշենկոն ասել է, որ ՌԴ նախագահ Վլադիմիր Պուտինը թույլտվություն չի խնդրել իր երկրի տարածքից Ուկրաինայի վրա հարձակվելու համար, քանի որ դա «եղել է զորքերի սովորական դուրսբերում զորավարժություններից հետո»։
BBC-ին տված հարցազրույցում պատասխանելով հարցին՝ ինչո՞ւ է ինքը թույլատրել Կրեմլին Ուկրաինայի վրա հարձակվել Բելառուսի տարածքից, Լուկաշենկոն ասել է․ «Որտեղի՞ց գիտեք, որ ես բելառուսական տարածքն օգտագործելու թույլտվություն եմ տվել»։
Ի պատասխան՝ լրագրողը հիշեցրել է, որ Բելառուսի տարածքն է օգտագործվել ներխուժման համար։
«Այնտեղ զորավարժություններ են անցկացվել, որոնց մասնակցել են հազարավոր ռուս զինվորներ։ Պուտինը սկսեց այն վայրերից, որտեղ դրանք գտնվել են Բելառուսի հարավում, զորքերը դուրս բերել Ուկրաինայի սահմանի երկայնքով։ Ինչ-որ պահի նա վերաուղարկել է այդ զորքերի մի մասը Կիև: Համոզված եմ, որ նրանց սադրել են։ Պուտինից է կախված, թե ինչպես դուրս կբերի իր զորքերը՝ Կիևով, թե Մինսկով»,- հայտարարել է Լուկաշենկոն:
Լրագրողի հստակեցնող հարցին՝ այդ ժամանակ չի՞ զանգահարել Պուտինին, որպեսզի պարզի, թե ինչ է տեղի ունենում, Լուկաշենկոն պատասխանել է․ «Ո՛չ։ Նա ինձ չի զանգահարել, ես էլ նրան չեմ զանգել։ Նրա զորքերն են, և նա իրավունք ունի դրանք դուրս բերել՝ ուր ցանկանում է»։
Թարգմանությունը՝ Տաթև Ֆռանգյանի
