11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ՌԴ Կենտրոնական բանկը հիմնական տոկոսադրույքը բարձրացրել է ռեկորդային մակարդակի` տարեկան 21%-ի
Քաղաքականություն
25.10.2024 | 22:40
ՌԴ Կենտրոնական բանկը բարձրացրել է իր հիմնական տոկոսադրույքը 200 բազիսային կետով՝ հասցնելով 21%-ի, գրում է Meduza-ն։
«Լրացուցիչ բյուջետային ծախսերը և դաշնային բյուջեի դեֆիցիտի ընդլայնումը 2024 թվականին գնաճային ազդեցությունների հետևանք են: Պահանջվում է դրամավարկային քաղաքականության հետագա խստացում՝ գնաճի վերադարձը նպատակային ապահովելու և գնաճային սպասումները նվազեցնելու համար»,- ասված է Ռուսաստանի բանկի հաղորդագրության մեջ։
Կառույցը չի բացառում, որ դեկտեմբերի 20-ին նշանակված հաջորդ նիստում որոշում կկայացվի է՛լ ավելի բարձրացնել հիմնական տոկոսադրույքը։
21%-ը ռեկորդային առանցքային ցուցանիշ է Ռուսաստանի պատմության մեջ։ 2022 թվականի փետրվարին ռուսական զորքերի կողմից Ուկրաինա լայնամասշտաբ ներխուժման մեկնարկից հետո ՌԴ ԿԲ-ն տոկոսադրույքը բարձրացրել էր մինչև 20%-ի, ինչն այն ժամանակ ռեկորդային մակարդակ էր։ Սակայն 2022-ի ապրիլին ցուցանիշը նվազեցվել էր մինչև 17%-ի, իսկ սեպտեմբերին իջել մինչև 7,5%։ Այն այդ մակարդակում մնացել էր մինչև 2023 թվականի հուլիսը։
2023 թվականի հուլիսի վերջից Ռուսաստանի բանկը սկսել է բարձրացնել տոկոսադրույքները։
Թարգմանությունը՝ Էմմա Չոբանյանի
