22.12.2024 | 22:00
Ինքնաթիռի կործանում Բրազիլիայում․ կան զոհեր և տուժածներ
Ըստ Կոբախիձեի՝ ՌԴ-ն չի կարող ազդել Վրաստանի ընտրությունների վրա
Քաղաքականություն
25.10.2024 | 20:15
Վրաստանում ռուսական ազդեցության տակ գտնվող քաղաքական կուսակցություններ չկան: Այս մասին Euronews-ին տված հարցազրույցում հայտարարել է երկրի վարչապետ Իրակլի Կոբախիձեն։
«Կարող եմ ասել, որ Ռուսաստանը Վրաստանում ազդեցություն չունի։ Այստեղ ռուսական ազդեցության տակ գտնվող քաղաքական կուսակցություններ չկան, լրատվամիջոցների կողմից ոչ մի ազդեցություն չկա»,- ասել է Կոբախիձեն։
Նա կարծում է, որ այս ամենը հաշվի առնելով՝ «ռուսական կողմը չի կարող ազդել Վրաստանի ընտրությունների վրա»։
Ըստ Կոբախիձեի՝ «եվրոպական ընտանիքը Վրաստանի պատմական և բնական ընտրությունն է»։ Իշխանությունները, նրա պնդմամբ, «հավատարիմ են արտաքին քաղաքականության այս առաջնահերթությանը»։
«Դուք գիտեք, որ մենք քրիստոնյա ժողովուրդ ենք, իսկ Եվրոպան միշտ ասոցացվել է քրիստոնեության հետ։ Ահա թե ինչու Եվրոպան միշտ եղել է բնական ընտրություն Վրաստանի և վրացիների համար։ Եվ սա մեկն է կամ ամենաազդեցիկ պատճառներից մեկն է, թե ինչու ենք մենք ցանկանում լինել եվրոպական ընտանիքի լիիրավ անդամ»,- ասել է նա:
Վրաստանում խորհրդարանական ընտրությունները տեղի կունենան հոկտեմբերի 26-ին։ Դրանք պատմական են կոչվում, քանի որ արդյունքից է որոշվելու՝ երկիրը կշարունակի՞ եվրաինտեգրման ուղին, թե՞ կընտրի Մոսկվայի հետ մերձեցումը։
Թարգմանությունը՝ Տաթև Ֆռանգյանի
