21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Մոլդովայի ապագան վտանգի տակ է. Մայա Սանդու
Քաղաքականություն
25.10.2024 | 22:17
Մոլդովայի նախագահ Մայա Սանդուի հայտարարել է, որ երկրի ապագան վտանգված է։ Ըստ նրա՝ հոկտեմբերի 20-ին Մոլդովայում անցկացված ընտրությունների ժամանակ «աննախադեպ հարձակում է իրականացվել ազատության վրա», փոխանցում է apsny.ge-ն։
Սանդուն կոչ է արել պետական կառույցներին ապահովել ընտրական գործընթացի արդարությունը ընտրությունների երկրորդ փուլում։
Մոլդովայի նախագահը կարևորել է նաև դատական համակարգի թերությունները, որոնք չեն կարողացել ավարտին հասցնել կոռուպցիոն գործերը։ Նա նշել է, որ նախագահական ընտրությունների երկրորդ փուլում հույս ունի մոբիլիզացնել մարդկանց, ովքեր տեսնում են, որ «երկիրը շրջափակման մեջ է»։
«Ես կոչ եմ անում պետական մարմիններին ապահովել ընտրական գործընթացի ամբողջականությունը, հրապարակել կեղծիքների ապացույցները և պատժել ձայներ գնելու համար պատասխանատուներին: Եթե դատական համակարգը հիմա չարթնանա, ապա Մոլդովայի ապագան տասնյակ տարիներ վտանգի տակ կլինի»,- ասել է Սանդուն։
Թարգմանությունը՝ Տաթև Ֆռանգյանի
