14.01.2026 | 11:30
ՀՀ իրավազորությունը սահմանային և մաքսային գործողությունների նկատմամբ անքննարկելի են․ ԱԳ նախարար․ ՏԵՍԱՆՅՈՒԹ
Նիդերլանդների ՊՆ-ն հայտնել է, որ Հյուսիսային Կորեան առնվազն 1500 զինծառայողի է ուղարկել ՌԴ՝ Ուկրաինայի դեմ պատերազմին մասնակցելու
Քաղաքականություն
25.10.2024 | 16:53
Նիդերլանդների հետախուզության գնահատմամբ՝ Հյուսիսային Կորեան առնվազն 1500 զինծառայողի է ուղարկել Ռուսաստան՝ Ուկրաինայի դեմ պատերազմին մասնակցելու համար։ Այս մասին հայտարարել է երկրի պաշտպանության նախարար Ռուբեն Բրեքելմանսը, գրում է BBC-ի ռուսական ծառայությունը։
«Հիմնվելով մեր հետախուզության տվյալների վրա՝ ես կարող եմ հաստատել, որ Ռուսաստանը Հյուսիսայից Կորեայից առնվազն 1500 զինծառայողների է տեղափոխում։ Առաջին հատուկ ստորաբաժանումներն արդեն ժամանել են Ռուսաստան և, ամենայն հավանականությամբ, սկզբում կտեղակայվեն Կուրսկում։ Այս նշանակալի էսկալացիան պահանջում է համապատասխան արձագանք»,- գրել է նա X-ի իր միկրոբլոգում։
Նախօրեին ուկրաինական հետախուզությունը Ռուսաստանում հյուսիսկորեական զորքերի թիվը գնահատել էր 12 հազար մարդ։
Ուկրաինայի ՊՆ գլխավոր հետախուզության վարչության տվյալներով՝ Ռուսաստանի արևելքում վերապատրաստված առաջին ստորաբաժանումներն արդեն ժամանել են Կուրսկի շրջանի մարտական գործողությունների գոտի, որտեղ ուկրաինական զորքերը հարձակում են իրականացնում։
Թարգմանությունը՝ Էմմա Չոբանյանի
