06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
Անկարան հերքում է լուրերը, որ Հնդկաստանը խոչընդոտում է Թուրքիայի անդամակցությանը ԲՐԻԿՍ-ին
Քաղաքականություն
25.10.2024 | 15:10
Թուրքիայի նախագահի աշխատակազմի հասարակության հետ կապերի վարչության ապատեղեկատվության դեմ պայքարի կենտրոնը հայտարարություն է տարածել՝ նշելով, թե որոշ լրատվամիջոցների պնդումները, որ «Հնդկաստանն արգելափակել է Թուրքիայի անդամակցությունը ԲՐԻԿՍ-ին», չի համապատասխանում իրականությանը։
Տարածված հայտարարության մեջ նշվում է, որ ՌԴ Կազան քաղաքում անցկացված գագաթնաժողովին մասնակցել է Թուրքիայի նախագահ Ռեջեփ Թայիփ Էրդողանը, և որ ընդլայնված կազմով նիստի ժամանակ կազմակերպության ընդլայնման, այլ երկրների անդամակցության գործընթացը չի քննարկվել։
«Գագաթնաժողովում ԲՐԻԿՍ-ի ընդլայնման գործընթացը չի քննարկվել։ Ուստի այն պնդումը, թե Հնդկաստանը խոչընդոտում է Թուրքիայի անդամակցությանը ԲՐԻԿՍ-ին, չի արտացոլում ճշմարտությունը»,- ասվում է հայտարարության մեջ։
Հիշեցնենք, որ գերմանական BILD-ն ավելի վաղ հայտնել էր, որ Հնդկաստանն արգելափակում ԲՐԻԿՍ-ին Թուրքիայի անդամակցությունը։
Թարգմանությունը՝ Էմմա Չոբանյանի
