08.10.2026 | 16:44
Ոչ մի կապ չունի ազգությունը. ՔՊ-ականը` զինված ադրբեջանցու հանցագործության մասին․ ՏԵՍԱՆՅՈՒԹ
Ռուսական զորքերը հարձակվել են Խերսոնի կենտրոնի վրա․ վիրավորներ կան
Քաղաքականություն
25.10.2024 | 11:35
Ռուսական զորքերը Խերսոնի կենտրոնում հարվածել են բազմաբնակարան շենքի, երկու մարդ վիրավորվել է։ Current Time-ի փոխանցմամբ՝ այս մասին հայտնում են շրջանային ռազմական վարակազմից։
Ըստ իշխանությունների՝ 64-ամյա կնոջ մոտ ախտորոշվել է պայթյունից վնասվածք և բեկորային վնասվածքներ ոտքերին, իսկ 72-ամյա տղամարդը ստացել է պայթյունից վնասվածք և ուղեղի ցնցում։ Նրանց տեղում ցուցաբերվել է բուժօգնություն։
Հոկտեմբերի 24-ի երեկոյան էլ ռուսական զորքերը հարձակվել են Դոնեցկի մարզի Ալեքսեևո-Դրուժկովկա քաղաքի փոստային բաժանմունքի վրա։ Երկու մարդ զոհվել է, մեկը՝ վիրավորվել։
«Ռուսները կրկին հարվածել են քաղաքացիական թիրախին՝ «Նոր փոստ»-ի մասնաճյուղին, ինչպես նաև վնասել են վարչական շենքեր»,- ասել է Դոնեցկի շրջանային ռազմական վարչակազմի ղեկավար Վադիմ Ֆիլաշկինը։
Թարգմանությունը՝ Տաթև Ֆռանգյանի
