22.06.2026 | 13:35
ՏԿԵ փոխնախարարը ընդերքօգտագործողների հետ քննարկել է փոշեճնշիչ սարքավորումների պարտադիր կիրառումը
Վրացիները պետք է որոշեն Վրաստանի ապագան ազատ և արդար գործընթացի միջոցով. Ջեյք Սալիվան
Քաղաքականություն
24.10.2024 | 20:57
ԱՄՆ նախագահի ազգային անվտանգության հարցերով խորհրդական Ջեյք Սալիվանը հոկտեմբերի 23-ին հաստատել է Վաշինգտոնի մտահոգությունները Վրաստանում ընտրական գործընթացի վերաբերյալ։ Բրուքինգս ինստիտուտում նա պատասխանել է Վրաստանի մասին Globalnew.ge-ի հարցերին։
«Մենք շատ հստակ ենք Վրաստանում ժողովրդավարական ինստիտուտների և ընտրական գործընթացի հետագծի վերաբերյալ մեր մտահոգություններում, և մենք շարունակում ենք անհանգստանալ այդ կապակցությամբ: Ի վերջո, Վրաստանի ապագան պետք է որոշի վրաց ժողովուրդը՝ ազատ և արդար գործընթացով։ Կարծում եմ, որ Վրաստանում ոչ ոք չի ցանկանում իր երկիրը հանձնել այլ երկրի, այդ թվում՝ Չինաստանին»,- Գրուզիա օնլայնի փոխանցմամբ՝ ասել է Սալիվանը։
Վրաստանի վարչապետ Իրակլի Կոբախիձեն պատասխանել է Սալիվանի հայտարարությանը։ Նրա խոսքով՝ Վրաստանն ունի 3000 տարվա պատմություն և «ոչ ոք իրեն ոչ միայն թույլ չի տվել այն գրավ դնել, այլև նման տերմինաբանությամբ ոչ ոք չի խոսել»։
Թարգմանությունը՝ Տաթև Ֆռանգյանի
