14.01.2026 | 17:30
«Անակնկալի եկանք»․ Վագիֆ Խաչատրյանի դուստրը Երևան է ուղևորվում
Իսրայելական օդուժը հակամարտության սկզբից ի վեր «ամենադաժան» հարվածներն է հասցրել Բեյրութի արվարձաններին. ՏԵՍԱՆՅՈՒԹ
Քաղաքականություն
24.10.2024 | 11:42
Իսրայելի ռազմաօդային ուժերի կործանիչները հոկտեմբերի 23-ի ուշ երեկոյան հարվածներ են հասցրել Լիբանանի մայրաքաղաք Բեյրութի հարավային ծայրամասերին, որտեղ գտնվում են «Հըզբոլլահ»-ի թիրախները։ Լիբանանի Ազգային լրատվական գործակալությունը (NNA) հաղորդել է Իսրայելի առնվազն 17 հարվածների մասին՝ դրանք անվանելով «ամենադաժանը» հակամարտության սկսվելուց ի վեր, գրում է DW-ի ռուսական ծառայությունը:
Հարձակման թիրախ է դարձել հատկապես Էլ-Լեյլաքի շրջանը, որտեղ ավերվել է վեց շենք, այդ թվում՝ բնակելի համալիր։ Լիբանանի առողջապահության նախարարությունը հայտնել է, որ իսրայելական օդային հարվածների հետևանքով զոհվել է մեկ մարդ, վիրավորվել՝ հինգը, այդ թվում՝ երեխա։
Լիբանանյան Al Mayadeen հեռուստաալիքը հայտնել է, որ Բեյրութի հարավում գտնվող իր գրասենյակներից մեկը հարձակման է ենթարկվել։
Իսրայելի բանակի խոսնակ Ավիչայ Ադրեյն ավելի վաղ X-ում նախազգուշացում էր ուղարկել Բեյրութի հարավային արվարձանների բնակիչներին՝ հորդորելով նրանց թողնել քարտեզի վրա նշված «Հըզբոլլահ»-ի հետ կապված վայրերը, որոնք ենթակա կլինեն օդային հարձակումների:
Թարգմանությունը՝ Տաթև Ֆռանգյանի
