09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Ֆրանսիան հաջորդ տարեսկզբին երեք Mirage 2000-5 կործանիչներ կուղարկի Ուկրաինա
Քաղաքականություն
23.10.2024 | 21:53
Փարիզը 2025 թվականի առաջին եռամսյակի ընթացքում երեք Mirage 2000-5 կործանիչներ կուղարկի Ուկրաինա։ Այս մասին գրում է ֆրանսիական La Tribune պարբերականը՝ վկայակոչելով իր աղբյուրներին։
Այն, որ Ֆրանսիան որոշել է Ուկրաինայի զինված ուժերին Mirage 2000-5 կործանիչներ տրամադրել, հայտնի դարձավ այս ամռանը։ Ավելի ուշ Ֆրանսիայի իշխանությունները հայտարարեցին, որ ինքնաթիռները կհանձնվեն 2025 թվականի առաջին կիսամյակում, սակայն դրանց թիվը նախապես չէր հայտարարվել։
Ըստ La Tribune-ի՝ խոսքը երեք կործանիչների մասին է, որոնք կրելու են Scalp թևավոր հրթիռներ և AASM ճշգրիտ կառավարվող զինամթերք։
Mirage 2000-5-ը 1980-ականների կործանիչների արդիականացված տարբերակն է։
Թարգմանությունը՝ Տաթև Ֆռանգյանի
