22.12.2024 | 22:00
Ինքնաթիռի կործանում Բրազիլիայում․ կան զոհեր և տուժածներ
ԱԺ-ն Վճռաբեկ դատարանի դատավորներ ընտրեց
Քաղաքականություն
23.10.2024 | 16:38
ԱԺ-ն Վճռաբեկ դատարանի քրեական պալատի դատավոր ընտրեց ՔԿ նախկին պետ Հայկ Գրիգորյանին, իսկ Վիգեն Քոչարյանն ընտրվեց Վճռաբեկ դատարանի քաղաքացիական պալատի դատավոր։
ԱԺ հաշվիչ հանձնախմբի նախագահ Նարեկ Բաբայանի տեղեկացմամբ՝ քվեարկությանը մասնակցել է 67 պատգամավոր։ Երկու թեկնածուներն էլ ընտրվել են միաձայն։
Հիշեցնենք, որ Բարձրագույն դատական խորհուրդը Վճռաբեկ դատարանի քաղաքացիական պալատի դատավորի թափուր տեղի համար առաջադրել էր Գուրգեն Մալխասյանի, Վիգեն Քոչարյանի և Ատոմ Հայրապետյանի թեկնածությունները, իսկ Վճռաբեկ դատարանի քրեական պալատի դատավորի թափուր տեղի համար՝ Հովհաննես Ավագյանի, Նելլի Բաղդասարյանի և Հայկ Գրիգորյանի թեկնածությունները:
