08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Բելառուսում նախագահական ընտրությունները նշանակվել են 2025թ․ հունվարի 26-ին
Քաղաքականություն
23.10.2024 | 17:44
Բելառուսի Ազգային ժողովի Ներկայացուցիչների պալատը (ստորին պալատ) երկրում նախագահական ընտրությունները նշանակել է 2025 թվականի հունվարի 26-ին, գրում է Մեդուզան։
Կենտրոնական ընտրական հանձնաժողովի նախագահ Իգոր Կարպենկոն այս ամսաթիվն անվանել է «օպտիմալ»։ Ըստ նրա՝ դա համապատասխանում է Սահմանադրությանը և Ընտրական օրենսգրքին։ Ըստ օրենքի՝ ընտրությունները պետք է տեղի ունենան ոչ ուշ, քան 2025 թվականի հուլիսի 20-ը։
Ալեքսանդր Լուկաշենկոն ավելի վաղ հայտարարել է, որ առաջադրվելու է նոր ժամկետի համար։ Բելառուսի դեմոկրատական ուժերը բազմիցս ասել են, որ ապահովելու են, որ միջազգային հանրությունը չճանաչի ընտրությունների արդյունքները։
Հոկտեմբերին Բելառուսի Քննչական կոմիտեն քրեական գործ է հարուցել ընդդիմության՝ նախագահական ընտրությունների նախապատրաստման պատճառով իշխանությունը զավթելու փորձի վերաբերյալ։
Հիշեցնենք, որ 2020 թվականի նախագահական ընտրություններն ուղեկցվել են Բելառուսի պատմության մեջ ամենազանգվածային բողոքի ցույցերով։ Ցուցարարները դեմ են արտահայտվել Ալեքսանդր Լուկաշենկոյին, որը, ԿԸՀ-ի հայտարարած քվեարկության արդյունքներով, վերընտրվել է նոր ժամկետով։
Թարգմանությունը՝ Տաթև Ֆռանգյանի
