18.07.2026 | 16:50
Ուժեղ քամու հետևանքով խափանվել է Թալին համայնքի մի շարք բնակավայրերի էլեկտրամատակարարումը
Պենտագոնի ղեկավարը հաստատել է Հյուսիսային Կորեայի զորքերի ներկայությունը ՌԴ-ում
Քաղաքականություն
23.10.2024 | 22:38
Կա հաստատում, որ հյուսիսկորեական զորքերն արդեն Ռուսաստանում են։ Այս մասին Հռոմում լրագրողներին հայտնել է ԱՄՆ պաշտպանության նախարար Լլոյդ Օսթինը, հայտնել է Reuters-ը։
«Ռուսաստանում Հյուսիսային Կորեայի զորքերի առկայության ապացույցներ կան։ Թե ի՞նչ են անում նրանք այնտեղ, դեռևս պետք է պարզել։ Սա պետք է պատշաճ կերպով ուսումնասիրվի»,- ասել է Պենտագոնի ղեկավարը:
Միևնույն ժամանակ, Ուկրաինայի Ազգային անվտանգության և պաշտպանության խորհրդի ապատեղեկատվության դեմ պայքարի կենտրոնի ղեկավար Անդրեյ Կովալենկոն Telegram-ում հայտնել է, որ հյուսիսկորեացի զինվորները տեղափոխվել են Ռուսաստան։
«ԿԺԴՀ-ի զինվորականների տեղաշարժ կա Հեռավոր Արևելքից դեպի Ռուսաստանի ներքին տարածքներ։ Թույլ տվեք հիշեցնել, որ Ռուսաստանը նախատեսում է օգտագործել կորեացիներին Կուրսկի շրջանում»,- գրել է նա:
Թարգմանությունը՝ Տաթև Ֆռանգյանի
