26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
«Հըզբոլլահ»-ի ԱԹՍ-ն հարվածել է Իսրայելի վարչապետի ննջասենյակի պատուհանին․ Kan
Քաղաքականություն
23.10.2024 | 13:38
Հոկտեմբերի 19-ին լիբանանյան «Հըզբոլլահ» շարժման կողմից Իսրայելի վարչապետ Բենիամին Նեթանյահուի նստավայրի ուղղությամբ արձակված անօդաչու թռչող սարքը վնասել է նրա տան ննջասենյակի պատուհանը, հաղորդում է պետական Kan ռադիոկայանը։
Իսրայելական բանակի մամուլի ծառայությունը հայտնել է նստավայրի վրա գրոհած անօդաչու թռչող սարքի մասին, սակայն վնասի մասին տեղեկություն չի նշվել։ Հարձակման արդյունքում ոչ ոք չի տուժել, Նեթանյահուն տանը չի եղել։
Անվտանգության ծառայությունում աղբյուրը Kan-ին պատմել է, որ ԱԹՍ-ի հարվածն ուղիղ է եղել, և Կեսարիայում Նեթանյահուի տանը «զգալի վնաս է հասցվել»։ Քանի որ իսրայելցի զինվորականները միանգամից չեն կարողացել որոշել ԱԹՍ-ի թռիչքի ուղղությունը, տագնապ է հայտարարվել թիկունքային շրջանում, այլ ոչ թե այն թաղամասում, որտեղ տեղակայված է նստավայրը։
Kan-ի տեղեկություններով՝ այդ օրը նստավայրի ուղղությամբ առնվազն 2 ԱԹՍ է արձակվել, սակայն դրանցից մեկը բախվել է Կեսարիայում մեկ այլ շենքի։
Թարգմանությունը՝ Տաթև Ֆռանգյանի
