07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Փաշինյանը ժամանեց ՔՊ վարչության նիստին. ՏԵՍԱՆՅՈՒԹ
Քաղաքականություն
22.10.2024 | 19:28
Մեկնարկել է ՔՊ վարչության նիստը: Քիչ առաջ վարչապետ Նիկոլ Փաշինյանը ժամանեց ՔՊ գրասենյակ: Ըստ ամենայնի՝ կքննարկվի արդարադատության նախարարի ընտրության հարցը:
Առաջադրված թեկնածուները չորսն են՝ «Քաղաքացիական պայմանագիր» կուսակցության պատգամավոր Արմեն Խաչատրյանը, Երևանի փոխքաղաքապետ Սուրեն Գրիգորյանը, վարչապետի խոսնակ Նազելի Բաղդասարյանը և փաստաբան Ալեքսանդր Սիրունյանը:
Հիշեցնենք, որ հոկտեմբերի 9-ին էր տեղի ունեցել ՔՊ վարչության նիստը, որտեղ
քննարկվել էր արդարադատության նախարարի թեկնածության հարցը և ՔՊ-ականները որևէ որոշման չէին եկել։
Factor.am-ին հայտնի էր դարձել, որ շրջանառվող բոլոր թեկնածուները ինքնաբացարկ էին հայտնել, իր թեկնածությունը թողել էր միայն պատգամավոր Արփի Դավոյանը։
Մեզ հասած տեղեկությունների համաձայն՝ նրա թեկնածությանը երկու հոգի էին կողմ քվեարկել՝ Վահագն Ալեքսանյանն ու Սուրեն Պապիկյանը։
Հիշեցնենք, որ Արդարադատության նախարար Գրիգոր Մինասյանը հոկտեմբերի 1-ին ազատման դիմում էր ներկայացրել։ ՔՊ-ական պատգամավորները ստորագրահավաք էին սկսել Մինասյանին հեռացնելու հարցով։
Ստորագրահավաքին միացել էր ընդհանուր 27 պատգամավոր։ Պատգամավորների հիմնավորումն այն էր, որ քաղաքացիները բողոքում են արդարադատության ոլորտում առկա խնդիրներից։
