22.10.2024 | 23:16
Ուկրաինայի բնակչությունը 10 միլիոնով նվազել է ռուսական ներխուժումից ի վեր․ ՄԱԿ
Ուկրաինայի ԱԳՆ-ն դատապարտել է Գուտերեշին ՌԴ-ում ԲՐԻԿՍ-ի գագաթնաժողովին մասնակցելու ծրագրերի համար
Քաղաքականություն
22.10.2024 | 20:49
Ուկրաինայի արտաքին գործերի նախարարությունը մեկնաբանել է ՄԱԿ-ի գլխավոր քարտուղար Անտոնիո Գուտերեշի ծրագրերը՝ մասնակցելու ԲՐԻԿՍ-ի գագաթնաժողովին, որն անցկացվում է Կազանում հոկտեմբերի 22-24-ին։ Կիևը հիշեցրել է, որ Գուտերեշը մերժել է հակամարտությունների կարգավորման կոնֆերանսին մասնակցելու՝ ուկրաինական կողմի հրավերը, որը տեղի է ունեցել ամռանը Շվեյցարիայում։
«Սա սխալ ընտրություն է, որը չի նպաստում խաղաղության գործին և միայն վնասում է ՄԱԿ-ի հեղինակությանը»,- ասվում է Ուկրաինայի ԱԳՆ-ի X-ում արված մեկնաբանության մեջ։
ԲՐԻԿՍ-ի 16-րդ գագաթնաժողովին մասնակցելու համար Կազան են ժամանել մի քանի օտարերկրյա առաջնորդներ, այդ թվում՝ Չինաստանի նախագահ Սի Ցզինպինը, Հնդկաստանի վարչապետ Նարենդրա Մոդին և Հարավային Աֆրիկայի նախագահ Սիրիլ Ռամաֆոսան:
Գագաթնաժողովի շրջանակում սպասվում է ՌԴ նախագահ Վլադիմիր Պուտինի և ՄԱԿ-ի գլխավոր քարտուղարի հանդիպումը։
Թարգմանությունը՝ Տաթև Ֆռանգյանի
