09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
Եվրախորհրդարանը հավանություն է տվել Ուկրաինային աջակցության համար 35 միլիարդ եվրոյին
Քաղաքականություն
22.10.2024 | 17:58
Եվրախորհրդարանը հավանություն է տվել Ուկրաինային աջակցության համար 35 մլրդ եվրոյի չափով վարկ տրամադրելու առաջարկին։ Որոշումն ընդունվել է հոկտեմբերի 22-ին։
Քվեարկությանը մասնակցել է Եվրախորհրդարանի 635 պատգամավոր, որոնցից 518-ը կողմ է քվեարկել, 56-ը՝ դեմ, 61-ը՝ ձեռնպահ։ Մինչ այս, բանավեճը տևել է մի քանի ժամ։
«Այս քվեարկությամբ մենք հզոր ազդանշան ենք ուղարկում, մենք օգտագործում ենք ռուսական սառեցված ակտիվներից ստացված եկամուտները Ուկրաինային աջակցելու համար, և Ռուսաստանը, որպես ագրեսոր երկիր, պետք է վճարի և կվճարի»,- ասել է Եվրախորհրդարանի նախագահ Ռոբերտա Մեցոլան:
Իր հերթին վարչապետ Դենիս Շմիգալը Telegram-ում գրել է, որ «սա ԵՄ-ի կարևոր ներդրումն է G7-ի 50 միլիարդ դոլարի (ավելի քան 45 միլիարդ եվրո) վարկի շրջանակում՝ օգտագործելով ռուսական սառեցված ակտիվներից ստացված եկամուտները, ինչը կօգնի ապահովել Ուկրաինայի անմիջական ֆինանսական կարիքները»:
Միաժամանակ, հայտնի է, որ վերջնական գումարը, որը ԵՄ-ն որպես վարկ կտրամադրի Ուկրաինային, կարող է ավելի քիչ լինել՝ կախված նրանից, թե G7-ի մյուս երկրներն ինչ ներդրումներ կկատարեն։
Այսօր առավոտյան Մեծ Բրիտանիան հայտարարեց G7-ի վարկի իր մասնաբաժնի մասին՝ շուրջ 3 մլրդ դոլար։
Հիշեցնենք, որ Միացյալ Նահանգները պատրաստ է Ուկրաինային տրամադրել մինչև 20 միլիարդ դոլար՝ որպես G7-ի վարկի մաս, որը կմարվի՝ օգտագործելով Ռուսաստանի սառեցված ակտիվներից ստացված շահույթը։ Սակայն այս պահին դեռևս վերջնական որոշում չկա։
Թարգմանությունը՝ Տաթև Ֆռանգյանի
