26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Հարավային Կորեան սպառնացել է պատասխան միջոցներ ձեռնարկել Ուկրաինայի պատերազմին Հյուսիսային Կորեայի մասնակցության դեպքում
Քաղաքականություն
22.10.2024 | 16:34
Սեուլը խոստացել է «աստիճանական միջոցներ» կիրառել Հյուսիսային Կորեայի և Ռուսաստանի դեմ՝ ի պատասխան երկու երկրների միջև ռազմական համագործակցության ամրապնդման, հայտնում է հարավկորեական Yonhap գործակալությունը։
Հնարավոր պատասխան միջոցների թվում է Ուկրաինային զենք մատակարարելը։
«Ցանկացած զենք՝ լինի դա պաշտպանվելու, թե հարձակման համար, կարող է օգտագործվել սպանելու համար: Մենք կարող ենք դիտարկել պաշտպանության կամ նույնիսկ հարձակման համար զենքի ուղարկումը, եթե իրավիճակը շատ հեռուն գնա»,- ասել է Ազգային անվտանգության փոխտնօրեն Կիմ Թաե Հյոն։
«Մեր կառավարությունը պահանջում է հյուսիսկորեական զորքերի անհապաղ դուրս բերում, և եթե Հյուսիսային Կորեայի և Ռուսաստանի միջև ներկայիս ռազմական դավադրությունը շարունակվի, մենք ձեռքերը ծալած չենք մնա և ուժգին պատասխան կտանք միջազգային հանրության հետ միասին»,- Reuters-ի փոխանցմամբ՝ հավելել է պաշտոնյան։
Թարգմանությունը՝ Տաթև Ֆռանգյանի
