18.07.2026 | 20:02
Հնդկաստանը տիեզերք է արձակել առաջին մասնավոր հրթիռը
Բլինքենը կրկին Մերձավոր Արևելք է մեկնում՝ առաջ մղելու Գազայի և Լիբանանի վերաբերյալ բանակցությունները
Քաղաքականություն
21.10.2024 | 23:11
ԱՄՆ պետքարտուղար Էնթոնի Բլինքենը վերադառնում է Մերձավոր Արևելք՝ հերթական անգամ փորձելով բանակցությունների միջոցով հասնել Գազայում հակամարտության դադարեցմանը և Լիբանանում իրավիճակի կարգավորմանը, գրում է VOA-ն:
2023 թվականի հոկտեմբերի 7-ին Իսրայելի վրա ՀԱՄԱՍ-ի հարձակումից հետո սա Մերձավոր Արևելք Բլինքների 11-րդ ուղևորությունն է, որի մասին հայտարարել է Պետքարտուղարությունը։
Ամերիկյան դիվանագիտության ղեկավարի այցը տարածաշրջան տեղի է ունենում իսրայելական զորքերի կողմից Գազայում ՀԱՄԱՍ-ի ուժերի և Իրանի հետ փոխկապակցված լիբանանյան «Հըզբոլլահ» խմբավորման դեմ ակտիվացած գործողությունների ֆոնին:
Բլինքենը տարածաշրջանի առաջնորդների հետ կքննարկի Գազայում պատերազմի դադարեցման, Գազայում իրավիճակի կարգավորման ծրագիր մշակելու անհրաժեշտությունը, ինչպես նաև Իսրայելի և «Հըզբոլլահ»-ի միջև հակամարտությանը դիվանագիտական լուծում գտնելու հնարավորությունը, ասվում է Պետքարտուղարության հայտարարության մեջ։
Թարգմանությունը՝ Տաթև Ֆռանգյանի
