11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Մոլդովայում հանրաքվեն տեղի է ունեցել ՌԴ-ի և նրա վստահված անձանց աննախադեպ միջամտությամբ և ահաբեկմամբ. Պետեր Ստանո
Քաղաքականություն
21.10.2024 | 19:43
Մոլդովայում Եվրամիությանն անդամակցելու հանրաքվեն տեղի է ունեցել Ռուսաստանի և նրա խամաճիկների աննախադեպ միջամտության ֆոնին, հայտարարել է Եվրամիության արտաքին հարաբերությունների ծառայության խոսնակ Պետեր Ստանոն, փոխանցում է Interpressnews-ը։
«Քվեարկությունը տեղի ունեցավ Ռուսաստանի և նրա վստահված անձանց աննախադեպ միջամտության և ահաբեկման ներքո, որոնց նպատակն էր ապակայունացնել ժողովրդավարական գործընթացները Մոլդովայում։ Սրանք Ռուսաստանի և նրա խամաճիկների մշտական ջանքերն են՝ ոչ միայն Մոլդովայում, այլ նաև մեր դեմ, և սա երկարաժամկետ պայքար է։ Նրանք սահմաններ չունեն։ Մենք՝ Եվրամիությունը, հարգում ենք որոշակի սկզբունքներ՝ հաշվի առնելով օրենքները, բայց Ռուսաստանը և նրա դերակատարներն ու խամաճիկները չեն հարգում դրանք»,- ասել է Ստանոն։
Մոլդովայի Կենտրոնական ընտրական հանձնաժողովի տվյալներով՝ Եվրամիությանը երկրի անդամակցության հարցով հանրաքվեի արձանագրությունների 99%-ի մշակումից հետո Մոլդովայի Սահմանադրության փոփոխություններին կողմ է քվեարկել ընտրողների 50,28%-ը։
Թարգմանությունը՝ Տաթև Ֆռանգյանի
