06.04.2026 | 16:51
ՌԴ-ում հաստատել են գեներալ-լեյտենանտ Ալեքսանդր Օտրոշչենկոյի մահը Ղրիմում՝ Ան-26 ինքնաթիռի կործանման հետևանքով
Պենտագոնի ղեկավարը հայտարարել է Ուկրաինային 400 մլն դոլարի օգնության փաթեթի մասին
Քաղաքականություն
21.10.2024 | 20:28
Միացյալ Նահանգները ևս 400 միլիոն դոլար կհատկացնի Ուկրաինային զինամթերքի, ռազմական տեխնիկայի և զենքի համար, հայտարարել է Պենտագոնի ղեկավար Լլոյդ Օսթինը երկրի նախագահ Վլադիմիր Զելենսկիի հետ հանդիպման ժամանակ, փոխանցում է Ուկրինֆորմը։
Այսօր այցով Կիև ժամանած Օսթինն ընդգծել է, որ նախագահ Ջո Բայդենի օրոք Միացյալ Նահանգները շարունակում է ուժեղացնել իր աջակցությունն Ուկրաինային։ Պենտագոնի ղեկավարը նաև նշել է, որ դաշնակիցները փորձում են բավարարել Ուկրաինայի հրատապ կարիքները և հավատարիմ են աջակցել հունիսին նախագահ Բայդենի կողմից ստորագրված անվտանգության երկկողմ համաձայնագրով օգնության տրամադրմանը։
Այս համաձայնագրի շրջանակում ԱՄՆ-ը նախատեսում է ուկրաինացի զինվորականներին տրամադրել խորհրդատվություն և ուսուցում՝ երկրի պաշտպանունակությունն ուժեղացնելու համար: Այս գործողությունները պետք է օգնեն իրականացնել անհրաժեշտ բարեփոխումներ՝ ԵՄ-ին և ՆԱՏՕ-ին Ուկրաինայի անդամակցությունն առաջ տանելու համար։ ԱՄՆ-ը կկենտրոնանա նաև Ուկրաինայի ռազմարդյունաբերական համալիրի զարգացման վրա՝ համատեղ արտադրության միջոցով։
Թարգմանությունը՝ Տաթև Ֆռանգյանի
