«Դավաճանը մահացել է որպես քաղաքացիություն չունեցող անձ»․ Թուրքիայի ՊՆ-ն ՝ Ֆեթուլլահ Գյուլենի մահվան մասին

Թուրքիայի Պաշտպանության նախարարությունը հայտարարություն է տարածել հայտնի կրոնական քարոզիչ Ֆեթուլլահ Գյուլենի մահվան կապակցությամբ, գրում են թուրքական լրատվամիջոցները։

Նշվում է, որ «FETO-ի առաջնորդը, որը սպառնում էր ազնիվ թուրք ազգի անկախությանն ու ապագային և մեծ վնաս է հասցրել պետությանն ու  հերոս բանակին, մահացել է»։

«Այն, որ այս դավաճանը մահացել է որպես «քաղաքացիություն չունեցող անձ» և հավերժ կհիշվի որպես այդպիսին, օրինակ է, թե ինչպես է դա ցույց տալիս իրենց հայրենիքը դավաճանողների անխուսափելի վախճանը, թեև դա չի կարող մեղմել դրանից տուժած մեր քաղաքացիների ցավը։ Նրանք, որոնք դեռ շարունակում են դավաճանել իրենց հայրենիքն ու ազգը՝ լինելով այս կառույցի գերիները, պետք է դաս քաղեն դրանից և հնարավորինս շուտ հանձնվեն թուրքական բարձրագույն արդարադատությանը»,- ասվում է հայտարարության մեջ։

Ընդգծվում է, որ «պայքարը բոլոր ահաբեկչական կազմակերպությունների, հատկապես՝ FETO-ի դեմ, որը դավաճանել է ժողովրդին և երկրին՝ շահարկելով բոլոր տեսակի արժեքները, շարունակվելու է համառությամբ և վճռականությամբ, մինչև նրանց արմատներն արմատախիլ արվեն»։

Այսօր ավելի վաղ թուրքական լրատվամիջոցները հայտնել էին, որ ԱՄՆ-ում 83 տարեկանում մահացել է թուրք հայտնի կրոնական քարոզիչ, FETO-ի առաջնորդ Ֆեթուլլահ Գյուլենը։ FETO-ն Թուրքիայի իշխանությունները ճանաչել են ահաբեկչական կազմակերպության ու հետապնդում են դրա անդամներին։

Թարգմանությունը՝ Էմմա Չոբանյանի