23.11.2024 | 13:49
Նույնիսկ Անգլիայում՝ 38 հազարանոց մարզադաշտում, զգում էինք ահռելի աջակցություն Նոայի երկրպագուներից․ Ավանեսյան
Վրաստանի իշխող ուժի պատգամավորները ստորագրել են նախագահ Զուրաբիշվիլիի իմփիչմենթի փաստաթուղթը․ այն կուղարկվի ՍԴ
Քաղաքականություն
21.10.2024 | 18:32
Վրաստանի նախագահ Սալոմե Զուրաբիշվիլիի իմփիչմենթի սահմանադրական առաջարկը, որը պատրաստել է երկրի իշխող «Վրացական երազանք» կուսակցությունը, այս շաբաթ կուղարկվի Սահմանադրական դատարան։ Փաստաթուղթը ստորագրել են 81 պատգամավորներ, որոնց ստորագրություններն այսօր հաստատել է ընթացակարգային հանձնաժողովը։
Սահմանադրական դատարանը մեկ ամիս ժամանակ ունի այն քննարկելու համար, ինչից հետո հարցը կդրվի քվեարկության՝ այն խորհրդարան ներկայացնելուց հետո երկու շաբաթվա ընթացքում։
«Վերջին իմփիչմենթի ընթացակարգից հետո, չնայած նրան, որ դատարանը նախագահին մատնանշել էր Սահմանադրության խախտման փաստերը, նախագահը շարունակել է նույն գործողությունները։ Վերջին իմփիչմենթից հետո նախագահի գործողություններում եղել են Սահմանադրության խախտումներ, ներկայացվում է դրա ինը տարբեր դեպք, և բոլոր ինը դեպքերում խոսքը գնում է նախագահի կողմից տարբեր հանդիպումների ժամանակ իր ներկայացուցչական լիազորությունները խախտելու մասին։ Նա այս ամենն արել է առանց կառավարության հավանության։ Սահմանադրական դատարանը մի անգամ նախագահին արդեն ասել էր, որ նման բանակցությունները պահանջում են կառավարության հավանությունը, սակայն նախագահը շարունակում է խախտել դա»,- ասել է խորհրդարանում «Վրացական երազանքի» անդամ Գեորգի Կախիանին։
Նա նշել է, որ եթե ունենան բարձր աջակցություն, ապա առաջին բանը, որ կանի հաջորդ խորհրդարանը, նախագահի լիազորությունների կասեցումն է։ Ըստ պատգամավորրի՝ իշխող ուժը կարծում է, որ ընտրությունների արդյունքներով՝ ավելի շատ մանդատներ է ստանալու։
Թարգմանությունը՝ Էմմա Չոբանյանի
