08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Վուչիչը խնդրել է ԱՄՆ աջակցությունը Կոսովոյում սերբերին պաշտպանելու համար
Քաղաքականություն
20.10.2024 | 22:00
Սերբիայի նախագահ Ալեքսանդր Վուչիչը հանդիպել է Օհայոյի Ազգային գվարդիայի հրամանատար, գեներա-մայոր Ջոն Հարիսի հետ և խնդրել ԱՄՆ-ի աջակցությունը Կոսովոյում և Մետոհիայում սերբերին պաշտպանելու հարցում և կոչ է արել ամրապնդել ռազմավարական գործընկերությունը պաշտոնական Բելգրադի և Վաշինգտոնի միջև․ գրում է ՌԻԱ Նովոստին։
«Կառուցողական զրույց Օհայոյի ազգային գվարդիայի հրամանատարի հետ… Տարածաշրջանում անվտանգության իրավիճակի, Սերբիայի և ԱՄՆ-ի հարաբերությունների, ինչպես նաև մեր երկկողմ ռազմական համագործակցության և այլ ոլորտներում համագործակցության հետագա զարգացման հնարավորությունների մասին»,- դռնփակ հանդիպումից հետո սոցցանցերում գրել է Վուչիչը:
Հարիսին «մտահոգություններ է հայտնել Կոսովոյում և Մետոհիայում սերբերի անվտանգության հետզհետե ավելի ու ավելի վատ իրավիճակի կապակցությամբ»։ Վուչիչը խնդրել է «ԱՄՆ-ի ավելի ուժեղ աջակցություն» սերբերին պաշտպանելու և նրանց իրավունքների ապահովման հարցում:
