07.10.2026 | 19:12
Թուրքական նավերի վրա հարձակումներից հետո Էրդողանը Պուտինի հետ Սև ծովում անվտանգության հարցն է քննարկել
Եթե տարածաշրջանում լայնամասշտաբ պատերազմ սկսվի, ԱՄՆ-ն ներքաշվելու է․ Արաղչի
Քաղաքականություն
20.10.2024 | 20:03
Իրանը բացահայտել է Իսրայելի բոլոր թիրախները, երկրի վրա ցանկացած հարձակում մեզ համար նշանակում է կարմիր գծի հատում, և մենք նման հարձակումն անպատասխան չենք թողնի․ հայտարարել է Իրանի արտգործնախարար Աբբաս Արաղչին․ փոխանցում է IRNA-ն։
«Իսրայելը չի կարող հանցագործություններ կատարել Գազայում և Լիբանանում առանց ԱՄՆ-ի օգնության: Այնտեղ օգտագործվող բոլոր զենքերը տրամադրում է Ամերիկան»,- ասել է Արաղչին թուրքական NTV հեռուստաալիքի եթերում։
«Մեզ համար ԱՄՆ-ն սիոնիստների դաշնակիցն է, և եթե տարածաշրջանում լայնամասշտաբ պատերազմ սկսվի, ԱՄՆ-ն ներքաշվելու է դրա մեջ, ինչը մենք բացարձակապես չենք ցանկանում»,- ընդգծել է Իրանի դիվանագիտության ղեկավարը։
«Մենք չենք հարձակվել Սիոնիստական ռեժիմի տնտեսական կամ քաղաքացիական թիրախների վրա, այլ հարձակվել ենք միայն ռազմական օբյեկտների վրա»,- պարզաբանել է նա։
