26.06.2026 | 20:49
Իրանի փոխնախագահ Համիդ Փուրմոհամադին ժամանել է Հայաստան
Վթար Էջմիածին-Ոսկեհատ ավտոճանապարհին. տուժածը հոսպիտալացվել է
Հասարակություն
19.10.2024 | 18:41
Հոկտեմբերի 19-ին՝ ժամը 14:07-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ոսկեհատ գյուղի կամրջի մոտակայքում տեղի է ունեցել ՃՏՊ, կա արգելափակված քաղաքացի:
ՆԳՆ Փրկարար ծառայությունից տեղեկացնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Էջմիածին-Ոսկեհատ ավտոճանապարհի 1-ին կմ-ին բախվել են «KamAZ» (վարորդ՝ Ն. Ա., ծնված 1995 թ.) և «VAZ» (վարորդ՝ Գ. Ա., ծնված 1984 թ.) մակնիշների ավտոմեքենաները:
Մինչ փրկարարների կանչի վայր հասնելը՝ «VAZ» մակինշի ավտոմեքենայի արգելափակված վարորդը դուրս է բերվել տեղի ուժերով։
Փրկարարները Գ․ Ա.-ին մոտեցրել են շտապօգնության ավտոմեքնեային. տուժածը հոսպիտալացվել է բժշկական կենտրոն:
Փրկարարները հոսանքազրկել են «VAZ» մակնիշի ավտոմեքենան և փակել գազի բալոնի փականը։
