14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
100-ից ավելի ընկերություններ՝ 1 հարթակում․ տեղի ունեցավ Mantashyants Global EXPO 2024-ի բացումը. ՏԵՍԱՆՅՈՒԹ
18.10.2024 | 22:51
Վճարովի բովանդակություն
Տասնյակ գործարարների հանդիպում՝ մեկ վայրում․ այսօր Մերիդիան ցուցահանդեսային կենտրոնում տեղի ունեցավ Mantashyants Global EXPO 2024-ի բացումը։ Այն Մանթաշյանց գործարարների միության անդամների բիզնեսները մեկ հարթակում ներկայացնող խոշոր ցուցահանդես է, որը կազմակերպվում է առաջին անգամ: Կազմակերպիչը Big Projects ընկերությունն է, գլխավոր հովանավորը՝ Mira Trans-ը։
Ցուցահանդեսի շրջանակում ներկայացված են շուրջ 40 ոլորտներից 100-ից ավելի ընկերություններ ավելի քան 10-ը քաղաքներից։
«Քանի որ Mantashyants գործարարների ակումբը շատ մեծ, արդեն 650-ից ավելի անդամ ընդգրկող կառույց է, այս ցուցահանդեսի կարիքը կար, անդամներից շատերն արդեն իրար չէին ճանաչում կամ, գուցե, եթե անձամբ էլ ճանաչում էին, միմյանց բիզնեսներից հաճախ գաղափար չունեին, իսկ ակումբի առաքելությունն այն է, որ մաքսիմալ շատ գործարքներ լինեն, ակումբականներն աշխատեն միմյանց հետ ու մեկ գործարքին բաժին ընկնող ժամանակն ու ֆինանսական ծախսը մաքսիմալ կրճատվի»,- նշում է Big Projects ընկերության համահիմնադիր, Մարքեթինգի և հաղորդակցության բաժնի ղեկավար, (կազմակերպիչ) Դիանա Հարոյանը։
Մանթաշյանց գործարարների միությունը հայալեզու ամենամեծ գործարար միությունն է, որին անդամակցում է ավելի քան 600 գործարար, ունի 18 մասնաճյուղ աշխարհի տարբեր ծայրերում։ Ինչ վերաբերում է ցուցահանդեսին, այն պրոֆեսիոնալ հարթակ է գործարարների համար՝ ծանոթանալու միմյանց բիզնեսին, տեղեկանալու յուրաքանչյուր բիզնեսի առանձնահատկություններից և ունեցած հնարավորություններից: Ցուցահանդեսում ներկայացված են նաև Էկոնոմիկայի և Ֆինանսների նախարարությունները։
«Ֆորումի հիմնական նպատակն է, որ հայկական բիզնեսները աշխարհի տարբեր կետերից կարողանան իրար հետ համագործակցել։ Այսօր 40-ից ավելի ոլորտի բիզնեսներ կան այստեղ։ Դա հնարավորություն է տալիս, որ այդ բիզնեսների ներկայացուցիչները գան, շփվեն, ծանոթանան, համագործակցեն և այլն»,- շեշտում է Մանթաշյանց գործարարների ակումբի համահիմնադիր նախագահ (համակազմակերպիչ) Վահրամ Միրաքյանը։
Mantashyants Global EXPO-ն նաև հարթակ է, որտեղ ոչ ակումբական գործարարներն ունենալու են ակումբականների բիզնեսին ծանոթանալու, ինչպես նաև ակումբի պոտենցիալն ու ներուժն ամբողջությամբ պատկերացնելու հնարավորություն:
Մանրամասները՝տեսանյութում։
Աննա Բաբաջանյան
