Քաղաքականություն
18.10.2024 | 23:02
Հռոմն ու Բաքուն շարունակում են ընդլայնել ռազմական գործակցությունը։ Ադրբեջանի ՊՆ-ի հաղորդմամբ՝ Իտալիայի գլխավոր շտաբի հետ ստորագրված 2024 թվականի երկկողմ համագործակցության պլանի համաձայն՝ Բաքվում կայացել են շտաբային բանակցություններ երկու երկրների ներկայացուցիչների միջև։
«Պաշտպանության նախարարության միջազգային ռազմական համագործակցության վարչությունում կայացած հանդիպմանը կողմերն ընդգծել են տարածաշրջանային և միջազգային անվտանգության ու խաղաղության ապահովման համար համատեղ աշխատանքի կարևորությունը»,- ասվում է հաղորդագրության մեջ։
Երկու երկրների զինվորականները նաև մտքեր են փոխանակել Ադրբեջանի և Իտալիայի միջև ռազմական համագործակցության ներկա վիճակի և զարգացման հեռանկարների շուրջ, վերլուծել են ռազմատեխնիկական և ռազմակրթական ոլորտներում համագործակցության հարցերը։ Հանդիպման ավարտին ստորագրվել են արձանագրություններ։
Հավելենք, որ սեպտեմբերին Բաքու էր ժամանել Իտալիայի պաշտպանության նախարար Գվիդո Կրոզետտոն՝ մասնակցելու միջազգային պաշտպանական «ADEX 2024» ցուցահանդեսին։
Թարգմանությունը՝ Էմմա Չոբանյանի
