17.10.2024 | 18:22
Ուկրաինան Ադրբեջանին իր պայմաններն է առաջադրել Եվրոպա գազի տարանցման համար
Օտարերկրացին թմրանյութ էր տեղադրում. Արաբկիրի քրեական հետախույզների բացահայտումը
Հասարակություն
17.10.2024 | 15:55
Արաբկիրի ոստիկանները ստացել էին օպերատիվ տեղեկութուն, որ օտարերկրացի մի տղամարդ տեղադրում է թմրանյութեր․ տեղեկացնում են ՆԳՆ ոստիկանությունից։
Տեղեկութունն իրացվեց հոկտեբերի 14-ին: Կոտայքի մարզի Ջրվեժ գյուղում հաշվառված 50-ամյա տղամարդը, թմրանյութ պահելու և իրացնելու կասկածանքով, ժամը 14.15-ին Գրիբոյեդովի փողոցի զբոսայգու մոտ ձերբակալվեց և տեղափոխվեց ոստիկանության Արաբկիրի բաժին:
Անձնական խուզարկությամբ նրա մոտ հայտնաբերվել են տարբեր գույնի և տարբեր պարունակության փաթեթներ: Տղամարդը հայտնել է, որ դրանցում թմրանյութ է, ձեռք է բերել տելեգրամյան հավելվածի միջոցով` իրացնելու նպատակով:
Կազմված փաստաթղթերը և օտարերկրացի տղամարդը ներկայացվել են Արաբկիրի քննչական բաժին: Հանգամանքները պարզվում են:
