Քաղաքականություն
17.10.2024 | 18:42
ԵՄ արտաքին քաղաքականության պատասխանատու Ժոզեպ Բորելը քննադատել է ԱՄՆ-ի որոշումը՝ մեկ ամիս ժամանակ տրամադրել Իսրայելին Գազայում հումանիտար իրավիճակի բարելավման համար՝ ասելով, որ այդ ընթացքում չափազանց շատ մարդիկ կմահանան, գրում է France 24-ը։
«ԱՄՆ-ն Իսրայելին ասել է, որ նրանք բարելավեն հումանիտար իրավիճակը Գազայում, սակայն տվել են մեկ ամիս։ Մեկ ամիս՝ մահացությունների նման տեմպերի պարագայում։ Չափազանց շատ մարդիկ են մահանում»,- ասել է Բորելը լրագրողներին՝ հավելելով, որ իրավիճակն «աղետալի է»։
Հիշեցնենք, որ ԱՄՆ նախագահ Ջո Բայդենի վարչակազմը նախազգուշացրել է Իսրայելին, որ եթե Գազայում հումանիտար իրավիճակը չբարելավվի առաջիկա 30 օրվա ընթացքում, Վաշինգտոնը կարող է սահմանափակել Իսրայելին տրամադրվող ռազմական օգնությունը։
Թարգմանությունը՝ Էմմա Չոբանյանի
