09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Թուրքիայում ևս երկու երկրաշարժ է տեղի ունեցել․ նախօրեի երկրաշարժից տուժածների թիվը հասել է 249-ի
Քաղաքականություն
17.10.2024 | 14:15
Թուրքիայի Արտակարգ իրավիճակների և աղետների կառավարման վարչությունը (AFAD) հաղորդում է, որ Սիվաս նահանգում երկու երկրաշարժ է տեղի ունեցել․ առաջինը գրանցվել է տեղական ժամանակով 11։29-ին՝ 4,7 մագնիտուդով, երկրորդը՝ ժամը 11։39-ին՝ 4,1 բալ ուժգնությամբ։
Երկրաշարժերը տեղի են ունեցել մոտավորապես 10,57 և 22,98 կմ խորության վրա:
Ըստ նախնական տվյալների՝ մարդկային կորուստներ կամ ավերածություններ չկան։
Հիշեցնենք, որ նախօրեին Մալաթիայում 5,9 մագնիտուդով երկրաշարժ էր տեղի ունեցել, որը զգացվել էր նաև հարակից բնակավայրերում։
Թուրքիայի ներքին գործերի նախարար Ալի Երլիքայան հայտնել է, որ երկրաշարժից հետո տեղի է ունեցել 194 հետցնցում, որոնցից ամենաուժեղը՝ 3,3 մագնիտուդով։ Վերջին տվյալներով՝ տուժել է 249 քաղաքացի։
«Առողջապահության նախարարությունից ստացված տեղեկատվության համաձայն՝ երկրաշարժից տուժել է, ընդհանուր առմամբ, 249 քաղաքացի․ Մալաթիայում՝ 55, Էլազըղում՝ 111, Շանլըուրֆայում՝ 37, Դիարբեքիրում՝ 19, Ադըյամանում՝ 18, Էրզինջանում՝ 6, Քահրամանմարաշում՝ 3 մարդ։ 11 մարդ շարունակում է բուժում ստանալ»,- ասել է նա։
Թարգմանությունը՝ Էմմա Չոբանյանի
