13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Շարժմամբ կարողացանք կանգնեցնել, այսպես ասած, անկլավների հանձնումը. Բագրատ սրբազան․ ՏԵՍԱՆՅՈՒԹ
Քաղաքականություն
17.10.2024 | 12:34
«Մենք այս ընթացքում հաջողեցինք ինչ-որ իմաստով կանգնեցնել կամ հետաձգել այն ընթացը, որը պարունակում էր, այսպես կոչված, անկլավների հանձնումը, նոր տարածքների զիջումները»,- խորհրդարանում հրավիրված լսումների ժամանակ հայտարարեց Բագրատ Գալստանյանը։
Խորհրդարանական լսումները հրավիրվել են հայ-ադրբեջանական սահմանազատման և սահմանագծման պետական հանձնաժողովների աշխատանքի կանոնակարգի, ինչպես նաև ՀՀ Ազգային ժողովի «Հայաստանի անկախության հռչակագրի անժամկետ ակտուալության մասին» հայտարարության նախագծի վերաբերյալ։ Դրանք գումարվել են «Հայաստան» ընդդիմադիր խմբակցության նախաձեռնությամբ։
Սրբազան պայքարի առաջնորդն ընդգծեց՝ այն, ինչ տեղի է ունենում Հայաստանում, չլսված ու չտեսնված բան է. «Նա աճուրդի է հանել ոչ միայն մեր պետությունն ու կենսագրությունը և մեզ բոլորիս, այլև՝ իր իսկ թիմակիցներին։ Կարող էի ասել, որ ինձ չի հուզում «Քաղաքացիական պայմանագիր» կուսակցության ո՛չ շարքային անդամների ճակատագիրը, ո՛չ պատգամավորների ու կառավարության անդամների, մանր ու միջին կուսակցականների, իշխանամերձ տարբեր գործիչների և գործիքների ճակատագիրը՝ ասելով՝ դրանով թող մտահոգվեն Հայաստանում գործող դեսպանատներն ու քաղաքական ապաստան տվող կառույցները, սակայն կարող եմ ասել, որ ինձ հուզում է «Քաղաքացիական պայմանագիր» ընտրած 680 հազար մարդկանց ճակատագիրը»,- իր ելույթում նշեց Գալստանյանը։
Մանրամասները՝ տեսանյութում։։
