15.01.2025 | 20:22
Հայաստանի մի շարք շրջաններում մառախուղ է
Կառավարությունը մաքսատուրքից ազատել է «Երևանի էլեկտրատրանսպորտ» ընկերությանը՝ տրոլեյբուսներ ներմուծելու համար
Տնտեսություն
17.10.2024 | 11:50
Կառավարությունը չզեկուցվող հարցով բավարարվել է գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատման արտոնությունից օգտվելու համար «Երևանի էլեկտրատրանսպորտ» ընկերության կողմից ներկայացված հայտը։
Կառավարության հիմնավորման մեջ նշվում է, որ ընկերությունը ներդրումային ծրագրի շրջանակներում ներկրել է 15 տրոլեյբուս և բաղկացուցիչ ու համալրող մասեր՝ մայրաքաղաքի բնակչության կանոնավոր տրանսպորտային սպասարկումն ապահովելու նպատակով։ Անհրաժեշտություն է առաջացել ներմուծել 1․5 մլրդ դրամի ևս 15 նոր տրոլեյբուս՝ էկոլոգիապես մաքուր էլեկտրատրանսպորտով բնակչության ապահով ու անվտանգ տեղափոխումն ապահովելու նպատակով։
Իրականացվող լրացման արդյունքում ապրանքների ընդհանուր արժեքը կկազմի 3․6 մլրդ դրամ։Մաքսատուրքից ազատման արտոնությունը գնահատվում է 463․6 մլն դրամ։
Ըստ կառավարության՝ ծրագրի մեկնարկը լուրջ խթան կհանդիսանա Երևան քաղաքի բնակիչներին կանոնավոր տրանսպորտային սպասարկում ապահովելու համար:
