Թուրքիայի սոցապ նախարարությունը հաղորդում է երկրում բնակության համար ոչ պիտանի հազարավոր տների մասին

Թուրքիայի Ընտանիքի և սոցիալական ծառայությունների նախարարությունը 2024 թվականի առաջին ութ ամիսները ներառող Բնակարանային աջակցության իր զեկույցում ամբողջ երկրում շուրջ 14,480 տնային տնտեսություն դասակարգել է որպես «բնակության համար ոչ պիտանի»։

Նշվում է, որ բնակարանային ճգնաժամը սրվել է գոյություն ունեցող տների վիճակի վատթարացման պատճառով: Բնակարանային աջակցության մասին նախարարության զեկույցը բացահայտել է  խնդրի չափը։

Գերատեսչության մասնագետները հայտնաբերել են հազարավոր տներ, որոնք այնքան հին են և անխնամ, որ համարվել են «բնակության համար ոչ պիտանի»։ Դրանք ներառվել են «Բնակարանային աջակցություն» ծրագրում։

Բնակարանային օգնություն ստացող տնային տնտեսությունների թիվը 2024 թվականի հունվարի 2,664-ից օգոստոսի վերջին հասել է 14,480-ի։ 2019-2024 թվականներին անցկացված ստուգումների ընթացքում ավելի քան 20,000 տներ նշվել են որպես «բնակության համար ոչ պիտանի», ամենաբարձր թիվը գեղել է 2021 թվականին՝ հասնելովէ 30,363-ի:

Հարյուր միլիոնավոր թուրքական լիրա է հատկացվել այս տների համար։ Ըստ տվյալների՝ 2024 թվականի հունվարից օգոստոս ամիսներին աղքատ տնային տնտեսությունները ստացել են 192,225,738 լիրա (5,6 միլիոն դոլար)՝ իրենց տները բնակության համար պիտանի դարձնելու համար։

Միաժամանակ, օգոստոսին երկրում սովի շեմը գերազանցել է նվազագույն աշխատավարձը 2,269 լիրայով՝ հասնելով 19,271 լիրայի (562 դոլար), մինչդեռ աղքատության շեմը բարձրացել է մինչև 62,772 լիրայի (1,832 դոլար):

Թարգմանությունը՝ Էմմա Չոբանյանի