09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
ԵՄ երեք երկրներ Վրաստանում արդար ընտրություններ անցկացնելու կոչ են արել
Քաղաքականություն
16.10.2024 | 13:09
Գերմանիայի, Ֆրանսիայի և Լեհաստանի եվրոպական հարցերով նախարարները համատեղ նամակով կոչ են արել Վրաստանում «ազատ և արդար ընտրություններ» անցկացնել, գրում է DW-ի ռուսական ծառայությունը։
Ըստ AFP-ի՝ երեք երկրների ներկայացուցիչներն իրենց դիմումն ուղղել են Վրաստանի իշխանություններին։ Նրանց կարծիքով՝ «անհրաժեշտ է հարգել վրաց ժողովրդի ցանկությունը՝ իրենց երկիրը Եվրամիությանը մոտեցնելու համար»։ Միաժամանակ, եվրոպական հարցերով նախարարները մտահոգություն են հայտնել Թբիլիսիի եվրոպական ապագայի վերաբերյալ և կոչ են արել Վրաստանի բնակչությանը մասնակցել խորհրդարանական ընտրություններին։
2023 թվականի դեկտեմբերից Վրաստանն ունի ԵՄ անդամության պաշտոնական թեկնածուի կարգավիճակ։ Սակայն դաշինքին Թբիլիսիիի անդամակցության գործընթացը կասեցվեց «օտարերկրյա գործակալների» մասին օրենքի ընդունումից հետո, ինչը երկրում զանգվածային բողոքի ցույցերի պատճառ դարձավ։
Գերմանիայի, Ֆրանսիայի և Լեհաստանի նախարարներն իրենց նամակում ընդգծել են, որ Եվրամիությանը երկրի անդամակցության գործընթացը կասեցվել է միայն ներկայիս ներքաղաքական որոշումների պատճառով, սակայն «դուռը բաց է և բաց է մնալու»։
Թարգմանությունը՝ Տաթև Ֆռանգյանի
