26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Թեհրանում ձերբակալել են «Ազատություն» ռադիոկայանի նախկին լրագրողին
Քաղաքականություն
16.10.2024 | 12:18
«Ազատություն» ռադիոկայանի նախկին լրագրող Ռեզա Վալիզադեն, որը երկար տարիներ արտերկրում ապրելուց և աշխատելուց հետո վերադարձել է Իրան, ձերբակալվել է Թեհրանում, հայտնել է նրա հարազատներից մեկը։
Ըստ նրա՝ Վալիզադեն, որն Իրանի և ԱՄՆ-ի քաղաքացի է, ձերբակալվել է շուրջ երեք շաբաթ առաջ։ Նրան, մասնավորապես, մեղադրել են արտասահմանյան լրատվամիջոցների հետ պարսկերեն լեզվով համագործակցելու մեջ։
Իրանցի պաշտոնյաները դեռևս չեն մեկնաբանել լրագրողի ձերբակալությունը։
Վալիզադեն 2022 թվականի նոյեմբերին հեռացել է Radio Farda-ից (Ազատություն ռադիոկայանի պարսկերեն ծառայություն) և որոշ ժամանակ մնացել արտերկրում։ X-ում օգոստոսի 13-ին արված գրառման մեջ նա նշել է, որ մարտի 16-ին վերադարձել է Թեհրան։ Նա նաև նշել է, որ «կիսով չափ ավարտել է» բանակցությունները Իսլամական հեղափոխության պահապանների կորպուսի հետախուզական կազմակերպության հետ և Իրան է եկել իր պատասխանատվությամբ:
Նշվում է, որ մեծ թվով դեպքեր կան, երբ երկքաղաքացիություն ունեցող իրանցիները ձերբակալվել են տարբեր հանցագործություններ կատարելու մեղադրանքով։ Շատերի ունեցվածքը բռնագրավվել կամ արգելափակվել է։ Որոշ դեպքերում Իրանում ճնշում է գործադրվել նրանց ընտանիքների անդամների վրա՝ ստիպելու մեկնածներին վերադառնալ երկիր։
Թարգմանությունը՝ Տաթև Ֆռանգյանի
