07.10.2026 | 23:48
Արթուր Դանիելյանը կալանավորվեց
Պենտագոնը հաստատել է THAAD-ի առաջին բաղադրիչների փոխանցումը Իսրայելին
Քաղաքականություն
15.10.2024 | 22:02
ԱՄՆ-ից THAAD հակահրթիռային պաշտպանության համակարգի առաջին բաղադրիչներն արդեն հասել են Իսրայել։ Այս մասին ասված է Պենտագոնի պաշտոնական ներկայացուցիչ Փիթ Ռայդերի հայտարարության մեջ։
Ռայդերը նշել է, որ հոկտեմբերի 14-ին ԱՄՆ զինվորականների խումբը և THAAD System-ի մարտկոցը գործարկելու համար անհրաժեշտ առաջին բաղադրիչները ժամանել են Իսրայել։ Պենտագոնի ներկայացուցիչը հավելել է, որ մարտկոցը «մոտ ապագայում լիովին կաշխատի»։ ԱՄՆ-ն վերջերս հայտարարեց Իսրայելում ամերիկյան անձնակազմով THAAD հակահրթիռային համակարգի տեղակայման մտադրության մասին։
Հիշեցնենք, որ հոկտեմբերի 1-ին Իսրայելի պաշտպանության բանակը սկսել է սահմանափակ ցամաքային գործողություն Լիբանանի հարավում: Իսրայելցիները սպանել են «Հըզբոլլահ» շարժման առաջնորդ Հասան Նասրալլային։ Ի պատասխան՝ Իրանը 180 բալիստիկ հրթիռ է արձակել Իսրայելի ուղղությամբ։ Իսրայելն էլ իր հերթին խոստացել է պատասխան տալ։
Թարգմանությունը՝ Տաթև Ֆռանգյանի
