21.02.2026 | 14:10
Այրվել է խոտածածկույթ․ հրշեջ-փրկարարներին հաջողվել է կանխել հրդեհի տարածումը
Մենք կշարունակենք անխոնջ պայքարել այնքան ժամանակ, մինչև չստեղծվի անկախ և ինքնիշխան Պաղեստին պետություն․ Էրդողան
Քաղաքականություն
15.10.2024 | 23:30
Թուրքիայի նախագահ Ռեջեփ Թայիփ Էրդողանը հայտարարել է, որ կարող են կանխատեսել, թե ինչի կհանգեցնի Իսրայելի ծավալապաշտությունը, որը գնալով ավելի «լկտի և ագրեսիվ» է դառնում, գրում են թուրքական լրատվամիջոցները։
«Մենք բոլորս ամոթի զգացումով հետևում էինք, թե ինչպես են ՄԱԿ-ի Անվտանգության խորհուրդը և միջազգային կազմակերպությունները լիովին անօգնական վիճակում Իսրայելի լկտիության առջև», – ասել է Էրդողանը «Պաղեստինի ապագան» համաժողովում։
Նա նշել է, որ Պաղեստինի ժողովուրդը տասնամյակներ շարունակ ապրում է այդ ճնշումը և Իսրայելի բռնազավթման, ոչնչացման քաղաքականությունը շարունակվում է 76 տարի։
«ՄԱԿ-ի Անվտանգության խորհուրդը մինչև ե՞րբ է հետևելու, թե ինչպես է մեր տարածաշրջանը վերածվում արյան ծովի, իսկ Գազայի խաղաղ բնակիչները ողջ-ողջ այրվում են: Ինչպես է ՄԱԿ-ը, որը չի պաշտպանում իր անձնակազմի իրավունքները, պաշտպանելու է այլոց իրավունքները»,-ասել է թուրքական պետության նախագահը՝ն շելով, որ Թուրքիան միակ երկիրն է, որը ոչ միայն ամենաուժեղ արձագանքն է ցույց տվել Գազայում տեղի ունեցած ջարդերին, այլև կոնկրետ միջոցներ է ձեռնարկել Իսրայելի դեմ։
«Մենք կշարունակենք անխոնջ պայքարել այնքան ժամանակ, մինչև չստեղծվի անկախ և ինքնիշխան Պաղեստին պետություն 1967 թվականի սահմաններով ևԱրևելյան Երուսաղեմ մայրաքաղաքով»,- եզրափակել է Թուրքիայի ղեկավարը։
Թարգմանությունը՝ Էմմա Չոբանյանի
