07.10.2026 | 23:48
Արթուր Դանիելյանը կալանավորվեց
Արդյո՞ք ՌԴ-ն կպատերազմի ԿԺԴՀ-ի հետ ընդդեմ Հարավային Կորեայի․ Պեսկովի արձագանքը
Քաղաքականություն
15.10.2024 | 21:42
ՌԴ նախագահի մամուլի քարտուղար Դմիտրի Պեսկովին մամուլի ասուլիսի ժամանակ հարցրել են, թե արդյո՞ք Ռուսաստանի Դաշնությունը կպատերազմի Հյուսիսային Կորեայի կողմից, եթե պատերազմ սկսվի Հարավային Կորեայի հետ։ Կոմերսանտի փոխանցմամբ՝ Պեսկովն արձագանքել է, որ Ռուսաստանի և ԿԺԴՀ-ի միջև կնքված համաձայնագիրը նախատեսում է խորը համագործակցություն բոլոր ոլորտներում, այդ թվում՝ անվտանգության ոլորտում։
«Համաձայնագրի ձևակերպումը պարզաբանման կարիք չունի։ Գլխավորն այն է, որ համաձայնագիրը ենթադրում է ռազմավարական խորը համագործակցություն բոլոր ոլորտներում, այդ թվում՝ անվտանգության»,- ասել է Դմիտրի Պեսկովը։ Նա հավելել է, որ այս պայմանագիրը և դրա սկզբունքները «առաջնորդում են Մոսկվային և Փհենյանին հարաբերությունների հետագա զարգացման գործում»։
Հիշեցնենք, որ Ռուսաստանի նախագահն ու ԿԺԴՀ առաջնորդ Կիմ Չեն Ընը հունիսի 19-ին Պուտինի Փհենյան կատարած այցի ժամանակ ստորագրել են համապարփակ ռազմավարական գործընկերության մասին համաձայնագրի նախագիծը։
Թարգմանությունը՝ Տաթև Ֆռանգյանի
