11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Հնդկաստանը կտրուկ կրճատել է ռուսական ածխի գնումները
Քաղաքականություն
15.10.2024 | 19:51
Համաշխարհային շուկայում ռուսական ածխի երկրորդ խոշոր գնորդը՝ Հնդկաստանը, կտրուկ կրճատել է Ռուսաստանից պինդ վառելիքի ներկրումը։ 2024 թվականի հունվար-սեպտեմբերին երկիրը գնել է 6,1 մլն տոննա ածուխ, ինչը 26%-ով պակաս է նախորդ տարվա նույն ժամանակահատվածի ցուցանիշից։ Այս մասին են վկայում «Վեդոմոստիի» հաշվարկները՝ հիմնված հնդկական Bigmint վերլուծական գործակալության տվյալների վրա։
Ուշագրավ է, որ Հնդկաստանն ընդհանուր առմամբ ածխի ներմուծումն ավելացրել է 12%-ով՝ մինչև 137,8 մլն տոննա․ Հարավաֆրիկյան հանրապետությունը և ԱՄՆ-ն դարձել են երկրի վառելիքի հիմնական մատակարարները։ Ռուսաստանը ներմուծողների թվում չորրորդն է, հաջորդում են Ավստրալիան, Մոզամբիկն ու Կոլումբիան։ Ռուսաստանի մասնաբաժինը Հնդկաստան ածխի արտահանման մեջ նվազել է՝ հասնելով 3%, այն դեպքում երբ 2023 թվականի հունվար-սեպտեմբերին այն կազմում էր մոտ 7%։
Դեպի ԵՄ ածխի մատակարարումների էմբարգոյի կիրառումից հետո, որն ուժի մեջ է մտել 2022 թվականի օգոստոսին, ռուսական ածխահանքերը սկսել են ակտիվորեն փնտրել արտահանման նոր ուղղություններ։ Մատակարարումները հիմնականում ուղղվել են Չինաստան և Հնդկաստան։
Թարգմանությունը՝ Տաթև Ֆռանգյանի
