08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Իսրայելը ՀԱՄԱՍ-ի հետ գործարքի համար պայման է առաջ քաշել
Քաղաքականություն
16.01.2025 | 14:53
Իսրայելի վարչապետ Բենիամին Նեթանյահուի գրասենյակը պաղեստինյան ՀԱՄԱՍ շարժմանը մեղադրել է միջնորդների հետ համաձայնեցված Գազայի գործարքից հրաժարվելու և վերջին պահին զիջումներ կորզելու մեջ, փոխանցում է ՌԻԱ Նովոստին:
«ՀԱՄԱՍ-ը հրաժարվում է պայմանավորվածություններից՝ վերջին րոպեին ճգնաժամ ստեղծելով, որը թույլ չի տալիս համաձայնության հասնել: ՀԱՄԱՍ-ը հրաժարվում է միջնորդների և Իսրայելի հետ համաձայնեցված հստակ պայմանավորվածություններից՝ փորձելով վերջին պահին ճնշում գործադրել»,- ասվում է հայտարարության մեջ:
Նեթանյահուի գրասենյակն ընդգծել է, որ Իսրայելը չի հրավիրի ռազմաքաղաքական կաբինետի և կառավարության նիստ՝ համաձայնագիրը հաստատելու համար, քանի դեռ միջնորդները չեն հայտնել, որ ՀԱՄԱՍ-ը չի հաստատել դրա բոլոր մանրամասները։
Պաղեստինյան Գազայի հատվածում հակամարտող կողմերը՝ Իսրայելը և ՀԱՄԱՍ շարժումը, Կատարի, Եգիպտոսի և ԱՄՆ-ի միջնորդությամբ պայմանավորվել են 42-օրյա հրադադարի և հայտարարել ռազմական գործողություններին վերջնականապես վերջ տալու իրենց ցանկության մասին, որոնք խլել են 46,000 պաղեստինցիների և մոտ 1500 իսրայելցիների կյանք։ 15 ամիսների ընթացքում դրանք տարածվեցին նաև Լիբանան և Եմեն, հրահրեցին հրթիռային հարվածների փոխանակում Իսրայելի և Իրանի միջև:
Թարգմանությունը՝ Տաթև Ֆռանգյանի
