07.10.2026 | 23:48
Արթուր Դանիելյանը կալանավորվեց
Իրանի Իսլամական հեղափոխության պահապանների կորպուսի հրամանատարներից մեկը, որի մահվան մասին լուրեր էին տարածվում, հայտնվել է հանրության առաջ
Քաղաքականություն
15.10.2024 | 23:20
Իրանի Իսլամական հեղափոխության պահապանների կորպուսի «Ալ Քուդս» հատուկ նշանակության ուժերի հրամանատար Էսմայիլ Քաանին Թեհրանում երեքշաբթի օրը մասնակցել է անցյալ ամիս «Հըզբոլլահի» ղեկավար Հասան Նասրալլայի հետ միասին սպանված գեներալ Աբբաս Նիլֆորուշանի հուղարկավորությանը, գրում է France24-ը։
Հուղարկավորության երթը սկսվել է Իմամ Հոսեյնի հրապարակում։ Իրանական Mehr գործակալության հաղորդմամբ արարողությանը ներկա են գտնվել Իսլամական հեղափոխության պահապանների կորպուսի (ԻՀՊԿ) բարձրաստիճան պաշտոնյաներ, այդ թվում՝ ԻՀՊԿ-ի հրամանատար, գեներալ-մայոր Հոսեյն Սալամին, կորպուսի Քուդս ուժերի հրամանատար բրիգադային գեներալ Էսմայիլ Քաանին, ԻՀՊԿ-ի հրամանատարի տեղակալ գեներալ Ֆադավին։
Քաանին տևական ժամանակ չէր երևացել հանրության տեսադաշտում, և որոշ լրատվամիջոցներում լուրեր էին տարածվել, թե նա իսրայելական հարվածի թիրախ է դարձել Լիբանանում։
Էմմա Չոբանյան
