07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Երևանի ավագանին նոր անդամներ ունի. ՏԵՍԱՆՅՈՒԹ
Քաղաքականություն
15.10.2024 | 10:24
Համաձայն «Ազգային առաջընթաց» խմբակցության ներկայացրած տեղեկատվության՝ խմբակցության ղեկավար է ընտրվել Արամ Թորոսյանը: Այդ մասին Երևանի ավագանու նիստին ասաց քաղաքապետ Տիգրան Ավինյանը:
«Համաձայն ԿԸՀ 2024 թվականի սեպտեմբերի 11-ի արձանագրության՝ Երևանի ավագանու «Հանրային ձայն» կուսակցության ընտրական ցուցակից ընտրված և լիազորությունները վաղաժամկետ դադարած ավագանու անդամների մանդատները տրվել են «Հանրային ձայն» կուսակցության ընտրական ցուցակի նվազ ներկայացված սեռի հաջորդ թեկնածուներ Լուսինե Բադալյանին և Դիանա Ալեքյանին: Դիանա Ալեքյանն իր դիմումի համաձայն դուրս է եկել «Հանրայն ձայն» խմբակցության կազմից՝ պահպանելով ավագանու անդամի իր լիազորությունները:
Երևանի ավագանու «Ազգային առաջընթաց» կուսակցության ընտրական ցուցակից ընտրված և լիազորությունները վաղաժամկետ դադարած ավագանու անդամի մանդատը տրվել է «Ազգային առաջընթաց» կուսակցության ընտրական ցուցակի հերթական հաջորդ թեկնածու Վահագն Իսոյանին: Վահագն Իսոյանը դիմում է ներկայացրել ավագանու անդամի իր լիազորությունները վաղաժամկետ դադարեցնելու մասին: Համաձայն ԿԸՀ 2024 թվականի սեպտեմբերի 20-ի արձանագրության՝ լիազորորությունները դադարած ավագանու անդամի մանդատը տրվել է «Ազգային առաջընթաց» կուսակցության ընտրական ցուցակի թեկնածու Մուշեղ Հակոբյանին»,- տեղեկացրեց Տիգրան Ավինյանը:
