16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Եթե իմ նկատմամբ ճնշում լինի, էլի չեմ համարի ճնշում․ Գալուստ Սահակյան․ ՏԵՍԱՆՅՈՒԹ
Քաղաքականություն
13.09.2018 | 11:50
«Իբրև Կառավարություն կա, բայց ամբողջ դաշտում միայն Նիկոլ Փաշինյանն է․ հա՛մ խոսում է, հա՛մ կատարում է, հա՛մ ոչնչացնում է, հա՛մ գնում է առաջ, այսինքն` այն խնդիրը, որը վերաբերում է պետականաշինությանը, դեռևս Հայաստանում չի ստացվում»,- այս մասին այսօր Ազգային ժողովում լրագրողների հետ զրույցում ասաց ԱԺ ՀՀԿ խմբակցության պատգամավոր Գալուստ Սահակյանը։
Հստակեցնող հարցին՝ իսկ արդյոք Սերժ Սարգսյանի ժամանակ որոշումներ կայացնողն ու հրահանգներ տվողը Սերժ Սարգսյանը չէ՞ր, Գալուստ Սահակյանը պատասխանեց․ «Սերժ Սարգսյանը տալիս էր հրահանգներ, ըստ իր քաղաքական կարողության և ըստ իր պաշտոնի։ Սերժ Սարգսյանը երկրի նախագահն էր և իրավունք ուներ իր կարծիքն ասել և քննարկել, մինչդեռ նրա հիմնական մոտեցումն այնպիսին էր, որ հարցերի վերաբերյալ մեծ քննարկումներ էին տեղի ունենում»։
Հարցին՝ արդյոք ՀՀ-ում նկատվում են բռնաճնշումներ և արդյոք ինքն ու իր ընտանիքը ճնշումների ենթարկվել են, Գալուստ Սահակյանը պատասխանեց․«Եթե իմ նկատմամբ ճնշում լինի, էլի չեմ համարի ճնշում»։
Մանրամասները՝ տեսանյութում։
