07.10.2026 | 23:48
Արթուր Դանիելյանը կալանավորվեց
Իլոն Մասկը ներկայացրել է Cybercab անօդաչու տաքսին և Robovan ավտոբուսը
Քաղաքականություն
11.10.2024 | 21:55
Ամերիկյան Tesla ընկերության սեփականատեր Իլոն Մասկը ներկայացրել է Cybercab անօդաչու երկտեղանոց տաքսին և Robovan անօդաչու միկրոավտոբուսը։ Cybercab-ը նախատեսվում է զանգվածային արտադրության մեջ մտցնել 2026 թվականին։ Միլիարդատերն այս մասին ասել է Լոս Անջելեսում Warner Bros. Hollywood Studios-ում տեղի ունեցած միջոցառման ժամանակ, գրում է DW-ի ռուսական ծառայությունը։
Cybercab մեքենան չունի ղեկ կամ ոտնակ, իսկ դռները բացվում են դեպի վեր: Դրա գինը կկազմի 30 հազար դոլարից պակաս։ Արդեն արտադրվել է 50 Cybercab տաքսի։
Մասկը խոստացել է, որ անօդաչու մեքենաները կդառնան «փոքր հարմարավետ սրահներ», մինչդեռ դրանց անվտանգությունը 10-20 անգամ ավելի բարձր կլինի, քան վարորդով աշխատող մեքենաներինը։
«Դուք նստում եք հարմարավետ փոքր սրահում ու կարող ենք անել՝ ինչ ուզում եք, իսկ երբ դուրս եք գալիս, արդեն նշանակակետում եք»,- ասել է Իլոն Մասկը։
Իր ֆուտուրիստական դիզայնի պատճառով Robovan միկրոավտոբուսը ԶԼՄ-ներում անվանվել է «անիվների վրա տոստեր»: Այն տեղավորում է մինչև 20 մարդու և կարող է օգտագործվել նաև ապրանքներ տեղափոխելու համար։ Արտադրության ժամանակացույցի մասին մանրամասներ շնորհանդեսին չեն հաղորդվել։
Չժանգոտվող պողպատից կորպուսով երկու մեքենաներն էլ չունեն լիցքավորման կետ և կլիցքավորվեն ինդուկտիվ, այսինքն՝ առանց մալուխի, հատուկ հարթակներում։
Իլոն Մասկը նաև ասել է, որ սովորական էլեկտրական Tesla-ի 3 և Y մոդելները 2025 թվականին կդառնան լիովին ինքնավար և այդ ռեժիմով կարելի է վարել Տեխասի և Կալիֆորնիայի ճանապարհներին, որտեղ դա թույլատրված է։
Թարգմանությունը՝ Էմմա Չոբանյանի
