07.11.2026 | 18:50
Երևանը չի մասնակցի Մոսկվայում կայանալիք ՀԱՊԿ նիստին. ըստ Փաշինյանի` մասնակցությունը կարող է սխալ տպավորություն թողնել
Շոլցը հաջորդ շաբաթ կմեկնի Թուրքիա՝ Էրդողանի հետ բանակցությունների
Քաղաքականություն
11.10.2024 | 23:10
Գերմանիայի կանցլեր Օլաֆ Շոլցը հաջորդ շաբաթ կայցելի Թուրքիա՝ հանդիպելու այդ երկրի նախագահ Ռեջեփ Թայիփ Էրդողանին։ Քննարկվելու են Մերձավոր Արևելքում սրվող հակամարտությունը և միգրացիային վերաբերող հարցեր։ Այս մասին Բեռլինում լրագրողների հետ ճեպազրույցում ասել է կառավարության խոսնակ Վոլֆգանգ Բյուխները, փոխանցում է AFP-ն։
Շոլցը հոկտեմբերի 19-ին Ստամբուլում բանակցություններ կանցկացնի Էրդողանի հետ, որին կհաջորդի մամուլի ասուլիս։ Գերմանիայի կանցլերը վերջին անգամ Թուրքիա էր այցելել 2022 թվականի մարտին՝ պաշտոնը ստանձնելուց մի քանի ամիս անց։
«Բանակցությունների թեմա լինելու է Ուկրաինայի պատերազմը, ինչպես նաև Մերձավոր Արևելքում տիրող իրավիճակը։ Օրակարգում կլինեն նաև միգրացիոն, երկկողմ ու տնտեսական քաղաքականության հարցեր»,- ասել է Բյուխները։
Գերմանիայի հարաբերությունները զգայուն են ՆԱՏՕ-ի գործընկեր Թուրքիայի հետ: Գերմանիայում բնակվում է Եվրոպայի ամենամեծ թուրքական սփյուռքը՝ շուրջ երեք միլիոն մարդ: Գերմանացի պաշտոնյաները, սակայն, վերջին տարիներին ակտիվ քննադատում են Թուրքիայում աճող ավտորիտարիզմը Էրդողանի օրոք:
Թարգմանությունը՝ Էմմա Չոբանյանi
