Գերակա շահի խնդիր կա՞ Քաջարան-Սիսիան ճանապարհը կառուցելիս. պատգամավորը՝ փոխնախարարին․ ՏԵՍԱՆՅՈՒԹ

Հայաստանը «Հյուսիս-հարավ» ճանապարհային միջանցքի Սիսիան-Քաջարան ճանապարհահատվածի կառուցման համար Վերակառուցման և զարգացման եվրոպական բանկից կներգրավի 236 մլն եվրոյի վարկ:

Հայաստանի Հանրապետության ու Վերակառուցման և զարգացման եվրոպական բանկի միջև «Հյուսիս-հարավ ճանապարհային միջանցք (Սիսիան-Քաջարան հարավային հատված)» վարկային համաձայնագիրը վավերացնելու մասին նախագիծն ԱԺ ֆինանսավարկային և բյուջետային հարցերի հանձնաժողովում ներկայացրեց ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը:

Հավելենք, որ համաձայնագիրը ստորագրվել է 2024 թվականին մայիսի 15-ին:

««Հյուսիս-հարավ ճանապարհային միջանցքի ներդրումային ծրագրի, թերևս, առանցքային հատվածներից մեկը Սիսիան-Քաջարան շուրջ 60 կմ նոր ճանապարհահատվածի կառուցումն է: Կկառուցվեն 4.7 կմ երկարությամբ 27 կամուրջներ, 12.5 կմ երկարությամբ 9 թունելներ»,- նշեց փոխնախարարը։

Ղալեչյանի ներկայացմամբ՝ Քաջարան- Սիսիան ճանապարհի կառուցումը թույլ կտա էականորեն կրճատել գոյություն ունեցող ճանապարհահատվածը, ինչի արդյունքում շուրջ 2 ժամով կկարճատվի երթևեկության տևողությունը: Տրանսպորտային միջոցների առկա 50կմ/ժ միջին արագությունը կավելանա մինչև 100 կմ/ժ: Կբարձրանա երթևեկության անվտանգությունն ու հարմարավետությունը:

Հարցի ներկայացումից հետո ՔՊ պատգամավոր Արուսյակ Մանավեզյանը փոխնախարարից հետաքրքրվեց՝ Քաջարան-Սիսիան ճանապարհը կառուցելիս գերակա շահի խնդիր կա՞։

Մանրամասները՝ տեսանյութում։