07.10.2026 | 16:50
Դատական դեպարտամենտը չի կատարել դատարանի վճիռը․ դատավորին չվճարված գումարը կբռնագանձվի
Ադրբեջանն ու Բելառուսը ինժեներական և տեխնիկական աջակցության հարցեր են քննարկել
Քաղաքականություն
10.10.2024 | 22:04
Բելառուսի Պաշտպանության նախարարության պատվիրակությունն այցով գտնվում է Ադրբեջանում։ Այցը կազմակերպվել է 2024 թվականի երկկողմ համագործակցության ծրագրին համապատասխան, գրում են տեղական լրատվամիջոցները։
Այցի շրջանակում բելառուսական պատվիրակությունն այցելել է Ադրբեջանի ՊՆ միջազգային ռազմական համագործակցության վարչություն։ Բելառուսական պատվիրակությանը ներկայացվել են ինժեներական զորքերի գործունեության հիմնական ուղղությունները։
Հանդիպմանն Ադրբեջանի ինժեներական զորքերի գլխավոր վարչության ղեկավար, գեներալ-մայոր Անար Քերիմովը հյուրերին տեղեկացրել է ականազերծման աշխատանքների ընթացքի մասին։ Այնուհետև քննարկվել են երկկողմ ռազմական համագործակցության հեռանկարները և այդ ոլորտում փոխգործակցությունը զարգացնելու առաջարկները։
Հյուրերը եղել են նաև ադրբեջանական ինժեներական զորքերի գլխավոր վարչության N զորամասում։ Պատվիրակությունը զորամասի տարածքում ծանոթացել է ինժեներական ստորաբաժանումներում սպասարկվող զենքի, զինամթերքի և ռազմական տեխնիկայի նմուշներին։
Թարգմանությունը՝ Էմմա Չոբանյանի
