26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Արեգակի կողմից արտանետված պլազմայի հսկայական ամպը թռչում է դեպի Երկիր
Քաղաքականություն
10.10.2024 | 22:46
Արեգակնային բռնկումներից հետո Երկրին է մոտենում պլազմայի մեծ ամպ, ՌԻԱ Նովոստիին ասել է Ռուսաստանի Գիտությունների ակադեմիայի Տիեզերական հետազոտությունների ինստիտուտի Արեգակնային աստղագիտության լաբորատորիայի ղեկավար Սերգեյ Բոգաչովը։
«Առաջիկա երկու օրերի համար չափազանց անբարենպաստ գեոմագնիսական կանխատեսումը ձևավորվել է Արեգակի վրա վերջին խոշոր բռնկումների մոդելավորման արդյունքների հիման վրա: Դիտարկումները ցույց են տալիս, որ երեկվա X1.8 մակարդակի բռնկումն ուղեկցվել է բացառիկ բարձր արագությամբ պլազմայի արտանետմամբ»,- ասել է նա։
Նա հիշեցրել է, որ վերջերս X9.1 մագնիտուդով հզոր բռնկումից հետո արտանետումը Երկրին դիպել է միայն եզրով և էական փոփոխություններ չի առաջացրել գեոմագնիսական դաշտում։ Այս անգամ պլազմային ամպը չափազանց մեծ է չափերով, հետևաբար, ինչպես ընդգծել է գիտնականը, «Երկիրը չի կարողանա խուսափել դրանից»։
Բացի այդ, ամպը չափազանց տարասեռ կառուցվածք ունի ինչպես խտությամբ, այնպես էլ արագությամբ, ասել է Բոգաչովը։
Նշվում է, որ ամենայն հավանականությամբ, ենթադրվում է չորրորդ մակարդակի մագնիսական փոթորիկների առկայություն՝ մինչև երկու օր տևողությամբ։
Թարգմանությունը՝ Տաթև Ֆռանգյանի
