15.09.2026 | 23:07
ԶՈՒ ԳՇ պետը գիշերային ժամերին անակնկալ ստուգայց է կատարել մի շարք զորամասեր
Նոր մանրամասներ՝ Իջևան-Դիլիջան-Երևան միկրոավտոբուսի վթարից տուժածների առողջական վիճակի մասին
10.10.2024 | 13:09
Իջևան-Դիլիջան-Երևան երթուղին սպասարկող միկրոավտոբուսի վթարի հետևանքով 4 տուժածի վիճակը կայուն ծանր է, մեկինը՝ միջին ծանրության, իսկ մյուսինը՝ ծանր անկայուն: Անչափահասի առողջական վիճակն էլ գնահատվում է բավարար։ Այս մասին Factor.am-ին տեղեկացրին ՀՀ առողջապահության նախարարությունից։
Factor.am-ն ավելի վաղ հայտնել էր, որ երեկ Իջևան-Դիլիջան-Երևան երթուղին սպասարկող միկրոավտոբուսի վթարի հետևանքով կա 7 տուժած և 2 զոհ, նրանցից 1-ը մահացել է դեպքի վայրում, մյուսը՝ հիվանդանոցում։
Հիշեցնենք՝ ՆԳՆ-ից հաղորդել էին, որ հոկտեմբերի 9-ին, ժամը 14:56-ին Կոտայքի մարզային փրկարարական վարչության ճգնաժամային կառավարման կենտրոն Երևան-Սևան ավտոճանապարհին տեղի ունեցած վթարի մասին ահազանգ է ստացվել, կան տուժածներ. առկա է գազի արտահոսք: Պարզվել է, որ Երևան-Սևան ավտոճանապարհին Իջևան-Դիլիջան-Երևան երթուղին սպասարկող «GAZel» մակնիշի ավտոմեքենան կողաշրջվել է:
